في البداية أود عن أعتذر عن عدم أكمال قصة " مغامرات طارق و عبده " نظراً لصعوبة سرد القصص عامة كما أنها تحتاج لوقت كبير لسردها ؛ أما الأن فلننتقل لموضوعنا اليوم .
كيف تدرك أنك ........ عريس لقطه
عمري ما إقتنعت يوما بالمقوله "أخطب لابنك و متخطبش لبنتك" بس خلينا نشوف اللي حصل معايا
أنا - زي ما كلكم عارفين - لسه متخرجتش لحد اللحظة دي بالإضافة أن أنا عندي جيش وكمان عندي إلتزامات مادية تجاه العائلة بتاعتي لما أشتغل بإذن الله وبالرغم من كده أهلي - اللي هما أدرى بظروفي - كانوا بيلحوا عليا فترة ما قبل الإمتحانات عشان في شوية عرايس هما مختارينهم ليا وعايزني أختار واحده منهم - لو واحده فيهن عجبتني - قبل ما يطيروا ؛ حد يخطبهم يعني .
و بالفعل لقيت إنسانة كويسة من العائلة و فيها المواصفات اللي أنا عايزها و أولها بالطبع المواصفات اللي وصانا عليها رسول الله ( صلى الله عليه و سلم)
لحد كده كويس .. طيب ايه رأي الطرف التاني ..اللي هي العروسة - و أهلها طبعا - لما يعرفوا بظروفي !!
المفاجأة كانت رد فعلهم .. الناس كانوا متفهميين جدا و كانوا زي ما بيتقال " بيشتروا راجل" ؛ ممكن ناس تقولي هما عملوا كده عشان قرايبك ، بس هما مش قرييبين مننا قوي يعني العروسة مش - بنت خالتي مثلا - لأ..دي تبقاللي حاجه مجعلصة كده ( بنت بنت خال والدي) والأجمد هيا اللي جايه ..بنت بنت ابن عم جدي
و حتى لو كانوا قرايبي .. مفيش حد يروح يتقدم لواحة في الزمن دا وهو فاضي خالص زي حالاتي و الناس يقبلوه بسرعه كده إلا إذا كان .. لقطه
اللي جاي بقى أدهى و أدل .. وهو بيفسر موضوع النهارده .. " أخطب لبنتك و متخطبش لابنك" ..لأن موضوع خطوبتي لسه بدري عليه و لأني لسه حتى مقرأتش الفاتحة فمفيش ناس كتيير تعرف بالموضوع بتاعي - بغض النظر عن التسييح اللي حصلي في الدفعة - تخيلوا كده معايا إيه اللي حصلي الإسبوع ما بين أخر يوم في الإمتحانات و النهارده ..ها حد يقول حاجه !!!!!
أنا جتلي عروستيــــــــــــــــــــــــــــن .. أي و الله عروستين غير اللي حقرأ فاتحتها إن شاء الله .. و الأتنين صغيريين - عشان محدش يقولي دول بايرين - و كمان من عائلات محترمه ..و كما يقول البعض ..مرتاحيين ماديا .. عشان محدش يفكر أنهم طمعانيين فيا .. و على إيه يا حسرة دا أنا على الحديده
دا معناه حاجه من إتنين .. إن الرجاله خلصت من البلد و معدش فاضل غيري .. أو إن أنا عريس لقطه
و الثاني هو الأرجح :)
يا ترى أنتم رأيكم إيه ؟
كيف تدرك أنك ........ عريس لقطه
عمري ما إقتنعت يوما بالمقوله "أخطب لابنك و متخطبش لبنتك" بس خلينا نشوف اللي حصل معايا
أنا - زي ما كلكم عارفين - لسه متخرجتش لحد اللحظة دي بالإضافة أن أنا عندي جيش وكمان عندي إلتزامات مادية تجاه العائلة بتاعتي لما أشتغل بإذن الله وبالرغم من كده أهلي - اللي هما أدرى بظروفي - كانوا بيلحوا عليا فترة ما قبل الإمتحانات عشان في شوية عرايس هما مختارينهم ليا وعايزني أختار واحده منهم - لو واحده فيهن عجبتني - قبل ما يطيروا ؛ حد يخطبهم يعني .
و بالفعل لقيت إنسانة كويسة من العائلة و فيها المواصفات اللي أنا عايزها و أولها بالطبع المواصفات اللي وصانا عليها رسول الله ( صلى الله عليه و سلم)
لحد كده كويس .. طيب ايه رأي الطرف التاني ..اللي هي العروسة - و أهلها طبعا - لما يعرفوا بظروفي !!
المفاجأة كانت رد فعلهم .. الناس كانوا متفهميين جدا و كانوا زي ما بيتقال " بيشتروا راجل" ؛ ممكن ناس تقولي هما عملوا كده عشان قرايبك ، بس هما مش قرييبين مننا قوي يعني العروسة مش - بنت خالتي مثلا - لأ..دي تبقاللي حاجه مجعلصة كده ( بنت بنت خال والدي) والأجمد هيا اللي جايه ..بنت بنت ابن عم جدي
و حتى لو كانوا قرايبي .. مفيش حد يروح يتقدم لواحة في الزمن دا وهو فاضي خالص زي حالاتي و الناس يقبلوه بسرعه كده إلا إذا كان .. لقطه
اللي جاي بقى أدهى و أدل .. وهو بيفسر موضوع النهارده .. " أخطب لبنتك و متخطبش لابنك" ..لأن موضوع خطوبتي لسه بدري عليه و لأني لسه حتى مقرأتش الفاتحة فمفيش ناس كتيير تعرف بالموضوع بتاعي - بغض النظر عن التسييح اللي حصلي في الدفعة - تخيلوا كده معايا إيه اللي حصلي الإسبوع ما بين أخر يوم في الإمتحانات و النهارده ..ها حد يقول حاجه !!!!!
أنا جتلي عروستيــــــــــــــــــــــــــــن .. أي و الله عروستين غير اللي حقرأ فاتحتها إن شاء الله .. و الأتنين صغيريين - عشان محدش يقولي دول بايرين - و كمان من عائلات محترمه ..و كما يقول البعض ..مرتاحيين ماديا .. عشان محدش يفكر أنهم طمعانيين فيا .. و على إيه يا حسرة دا أنا على الحديده
دا معناه حاجه من إتنين .. إن الرجاله خلصت من البلد و معدش فاضل غيري .. أو إن أنا عريس لقطه
و الثاني هو الأرجح :)
يا ترى أنتم رأيكم إيه ؟
